ಭಾನುವಾರ - 15 ನವೆಂಬರ್ 2026
ಸಂಸ್ಕೃತಿ ಮತ್ತು ಪರಂಪರೆ

ನೆಲ್ಲಿಕಾಯಿ ಮಹಿಮೆ ಸಾರುವ ಏಕಾದಶಿ…

ಸಂಪಾದಕೀಯ ತಂಡ July 24, 20262 ನಿಮಿಷ ಓದು
ನೆಲ್ಲಿಕಾಯಿ ಮಹಿಮೆ ಸಾರುವ ಏಕಾದಶಿ…

ಭಾರತೀಯ ಸಂಸ್ಕೃತಿಯಲ್ಲಿ ವೃಕ್ಷಗಳಿಗೆ ದೇವತಾಸಮಾನ ಸ್ಥಾನವಿದೆ. ಆ ವೃಕ್ಷಗಳಲ್ಲಿ ಪ್ರಮುಖವಾದದ್ದು ನೆಲ್ಲಿಕಾಯಿ (ಆಮ್ಲಾ) ಮರ. ಫಾಲ್ಗುಣ ಮಾಸದ ಶುಕ್ಲಪಕ್ಷದ ಏಕಾದಶಿಯನ್ನು ಆಮ್ಲಕೀ ಏಕಾದಶಿ ಎಂದು ಆಚರಿಸಲಾಗುತ್ತದೆ. ಈ ದಿನ ವಿಷ್ಣುಭಕ್ತರು ವಿಶೇಷವಾಗಿ ನೆಲ್ಲಿಕಾಯಿ ಮರವನ್ನು ಪೂಜಿಸಿ ಉಪವಾಸ ವ್ರತವನ್ನು ಆಚರಿಸುತ್ತಾರೆ.
ಪುರಾಣಗಳಲ್ಲಿ ಹೇಳುವಂತೆ, ಆಮ್ಲಕೀ ಏಕಾದಶಿಯಂದು ನೆಲ್ಲಿಕಾಯಿ ಮರದಲ್ಲಿ ಶ್ರೀವಿಷ್ಣುವಿನ ವಾಸವಿದೆ ಎಂದು ನಂಬಲಾಗಿದೆ. ಆದ್ದರಿಂದ ಈ ದಿನ ಮರದ ಕೆಳಗೆ ಕಲಶ ಸ್ಥಾಪಿಸಿ, ಹೂವು-ಹಣ್ಣುಗಳಿಂದ ಅಲಂಕರಿಸಿ, ದೀಪಾರಾಧನೆ ಮಾಡಲಾಗುತ್ತದೆ. ಕೆಲವರು ಮರದ ಸುತ್ತ ಪ್ರದಕ್ಷಿಣೆ ಹಾಕಿ, ವಿಷ್ಣು ಸಹಸ್ರನಾಮ ಪಾರಾಯಣ ಮಾಡುತ್ತಾರೆ. ಈ ವ್ರತದಿಂದ ಪಾಪಗಳು ನಿವಾರಣೆಯಾಗುತ್ತವೆ ಮತ್ತು ಆರೋಗ್ಯ, ಐಶ್ವರ್ಯ ಲಭಿಸುತ್ತದೆ ಎಂಬ ನಂಬಿಕೆ ಇದೆ.
ನೆಲ್ಲಿಕಾಯಿ ಆರೋಗ್ಯದ ದೃಷ್ಟಿಯಿಂದಲೂ ಅತ್ಯಂತ ಮಹತ್ವzಗಿದೆ. ಆಯುರ್ವೇದದಲ್ಲಿ ಇದನ್ನು ರಸಾಯನ ಎಂದು ಕರೆಯಲಾಗುತ್ತದೆ. ವಿಟಮಿನ್-ಸಿ ಸಮೃದ್ಧವಾಗಿರುವ ಈ ಹಣ್ಣು ರೋಗನಿರೋಧಕ ಶಕ್ತಿಯನ್ನು ಹೆಚ್ಚಿಸುತ್ತದೆ. ಕೂದಲು, ಚರ್ಮ ಮತ್ತು ಜೀರ್ಣಕ್ರಿಯೆಗೆ ಸಹಕಾರಿ. ಹೀಗಾಗಿ ಆಧ್ಯಾತ್ಮಿಕ ಮತ್ತು ವೈಜ್ಞಾನಿಕ ಮಹತ್ವ ಎರಡನ್ನೂ ಹೊಂದಿರುವ ಹಣ್ಣಾಗಿದೆ ನೆಲ್ಲಿಕಾಯಿ.
ಗ್ರಾಮೀಣ ಭಾಗಗಳಲ್ಲಿ ಈ ದಿನ ಕುಟುಂಬ ಸಮೇತವಾಗಿ ಮರದ ಕೆಳಗೆ ಪೂಜೆ ಮಾಡಿ, ಪ್ರಸಾದವಾಗಿ ನೆಲ್ಲಿಕಾಯಿ ಪಚಡಿ ಅಥವಾ ಚಟ್ನಿ ತಯಾರಿಸುತ್ತಾರೆ. ಕೆಲವು ಕಡೆಗಳಲ್ಲಿ ಭಜನೆ, ಹರಿಕಥೆ ಕಾರ್ಯಕ್ರಮಗಳೂ ನಡೆಯುತ್ತವೆ. ಮಕ್ಕಳಿಗೆ ವೃಕ್ಷ ಸಂರಕ್ಷಣೆ ಬಗ್ಗೆ ತಿಳಿಸುವುದಕ್ಕೂ ಈ ಹಬ್ಬ ಪ್ರೇರಣೆಯಾಗಿದೆ.
ಇಂದಿನ ಯುಗದಲ್ಲಿ ಪರಿಸರ ಸಂರಕ್ಷಣೆ ಅತ್ಯಗತ್ಯ. ಆಮ್ಲಕೀ ಏಕಾದಶಿ ನಮ್ಮಿಗೆ ವೃಕ್ಷಗಳ ಮಹತ್ವವನ್ನು ನೆನಪಿಸುತ್ತದೆ. ನೆಲ್ಲಿಕಾಯಿ ಮರವನ್ನು ನೆಡುವುದು, ಬೆಳೆಸುವುದು ಮತ್ತು ಕಾಪಾಡುವುದು ನಮ್ಮ ಕರ್ತವ್ಯವಾಗಬೇಕು. ಧಾರ್ಮಿಕ ಆಚರಣೆಗಳ ಮೂಲಕ ಪ್ರಕೃತಿಯ ಮೇಲಿನ ಪ್ರೀತಿ ಬೆಳೆಸುವ ಈ ಹಬ್ಬವು ಭಾರತೀಯ ಸಂಸ್ಕೃತಿಯ ವೈಶಿಷ್ಟ್ಯವನ್ನು ತೋರಿಸುತ್ತದೆ. ಹೀಗಾಗಿ ನೆಲ್ಲಿಕಾಯಿ ಮತ್ತು ಆಮ್ಲಕೀ ಏಕಾದಶಿ ಕೇವಲ ವ್ರತವಲ್ಲ, ಆರೋಗ್ಯ, ಪರಿಸರ ಮತ್ತು ಭಕ್ತಿ ಒಂದಾಗುವ ಪವಿತ್ರ ಸಂಭ್ರಮವಾಗಿದೆ.

ಲೇಖನ : ಸನ್ನಿಧಿ ನಿಲೇಕಣಿ


ಹಂಚಿಕೊಳ್ಳಿ ನೆಲ್ಲಿಕಾಯಿ ಮಹಿಮೆ ಸಾರುವ ಏಕಾದಶಿ… ಈ ಮಾಹಿತಿಯನ್ನು ನಿಮ್ಮ ಸ್ನೇಹಿತರು ಮತ್ತು ಕುಟುಂಬದವರೊಂದಿಗೆ ಹಂಚಿಕೊಳ್ಳಿ.
ಸನ್ನಿಧಿ ವಿ.

ನಿಸರ್ಗ ಸನ್ನಿಧಿ ಸಂಪಾದಕೀಯ ತಂಡ

ಪ್ರಕೃತಿ, ಪರಿಸರ, ಸಂಸ್ಕೃತಿ ಮತ್ತು ಪರಂಪರೆಯ ಜ್ಞಾನವನ್ನು ಸರಳ ಮತ್ತು ಜವಾಬ್ದಾರಿಯುತ ಕನ್ನಡದಲ್ಲಿ ಓದುಗರಿಗೆ ತಲುಪಿಸುವ ಪ್ರಯತ್ನ.

ನಿಮ್ಮ ಪ್ರತಿಕ್ರಿಯೆ ಬರೆಯಿರಿ

ನಿಮ್ಮ ಇಮೇಲ್ ವಿಳಾಸವನ್ನು ಪ್ರಕಟಿಸಲಾಗುವುದಿಲ್ಲ.

ಮುಂದೆ ಓದಿ

ಸಂಬಂಧಿತ ಲೇಖನಗಳು

ಹಣತೆಯ ಬೆಳಕಲ್ಲಿ ಮಣ್ಣಿನ ಮಹಿಮೆ
ಸಂಸ್ಕೃತಿ ಮತ್ತು ಪರಂಪರೆ

ಹಣತೆಯ ಬೆಳಕಲ್ಲಿ ಮಣ್ಣಿನ ಮಹಿಮೆ

November 9, 20267 ನಿಮಿಷ ಓದು

*ಬೆಳಕು ಎಂದರೆ ಕೇವಲ ಕತ್ತಲೆಯನ್ನು ದೂರಮಾಡುವ ಸಾಧನವಲ್ಲ; ಅದು ಜ್ಞಾನ, ಭಕ್ತಿ, ಭರವಸೆ ಮತ್ತು ಹೊಸ ಬದುಕಿನ ಸಂಕೇತ. ಅಂತಹ ಬೆಳಕನ್ನು ನೀಡುವ ಮಣ್ಣಿನ ಪುಟ್ಟ ಹಣತೆಯಲ್ಲಿ ನಮ್ಮ ಪೂರ್ವಜರ ಪರಂಪರೆ, ಪ್ರಕೃತಿಯ…

ಪೂರ್ಣ ಲೇಖನ →
ಅಯೋಧ್ಯೆಯ ಬೆಳಕಿನಲ್ಲಿ ರಾಮನ ಆಗಮನ
ಸಂಸ್ಕೃತಿ ಮತ್ತು ಪರಂಪರೆ

ಅಯೋಧ್ಯೆಯ ಬೆಳಕಿನಲ್ಲಿ ರಾಮನ ಆಗಮನ

November 9, 20264 ನಿಮಿಷ ಓದು

ಭಾರತೀಯ ಸಂಸ್ಕೃತಿಯಲ್ಲಿ ಹಬ್ಬಗಳು ಕೇವಲ ಸಂಭ್ರಮ, ಸಿಹಿತಿಂಡಿ, ಹೊಸ ಬಟ್ಟೆ ಹಾಗೂ ಅಲಂಕಾರಗಳಿಗೆ ಸೀಮಿತವಾಗಿಲ್ಲ. ಪ್ರತಿಯೊಂದು ಹಬ್ಬದ ಹಿಂದೆ ಒಂದು ಪೌರಾಣಿಕ ಕಥೆ, ಐತಿಹಾಸಿಕ ಹಿನ್ನೆಲೆ, ಆಧ್ಯಾತ್ಮಿಕ ಸಂದೇಶ, ಪ್ರಕೃತಿಯೊಂದಿಗಿನ ಸಂಬಂಧ ಮತ್ತು…

ಪೂರ್ಣ ಲೇಖನ →
ಬಲಿಚಕ್ರವರ್ತಿಯ ಸ್ವಾಗತಕ್ಕೆ ಸಜ್ಜಾಗುವ ತುಳುನಾಡು!
ಸಂಸ್ಕೃತಿ ಮತ್ತು ಪರಂಪರೆ

ಬಲಿಚಕ್ರವರ್ತಿಯ ಸ್ವಾಗತಕ್ಕೆ ಸಜ್ಜಾಗುವ ತುಳುನಾಡು!

November 9, 20264 ನಿಮಿಷ ಓದು

ದೀಪಾವಳಿ ಎಂದರೆ ಕೇವಲ ಕತ್ತಲೆಯನ್ನು ದೂರಮಾಡುವ ದೀಪಗಳ ಹಬ್ಬವಲ್ಲ; ಅದು ನಮ್ಮ ಸಂಸ್ಕೃತಿಯ ನೆನಪುಗಳನ್ನು ಬೆಳಗಿಸುವ, ತಲೆಮಾರುಗಳ ನಡುವಿನ ಬಾಂಧವ್ಯವನ್ನು ಬೆಸೆಯುವ, ಪ್ರಕೃತಿಯೊಂದಿಗೆ ಮಾನವನ ಸಂಬಂಧವನ್ನು ನೆನಪಿಸುವ ಬೆಳಕಿನ ಹಬ್ಬ. ಭಾರತದ ಪ್ರತಿಯೊಂದು…

ಪೂರ್ಣ ಲೇಖನ →
ವಾಟ್ಸಾಪ್ ಗುಂಪಿಗೆ ಸೇರಿ
Translate »