ಭಾನುವಾರ - 15 ನವೆಂಬರ್ 2026
ದೇವಸ್ಥಾನಗಳು

ನಾಗದೋಷ ನಿವಾರಣೆಯ ಪ್ರಸಿದ್ಧ ಕ್ಷೇತ್ರ – ಮುಗ್ವಾ

ಸಂಪಾದಕೀಯ ತಂಡ August 1, 20262 ನಿಮಿಷ ಓದು
ನಾಗದೋಷ ನಿವಾರಣೆಯ ಪ್ರಸಿದ್ಧ ಕ್ಷೇತ್ರ – ಮುಗ್ವಾ

ಉತ್ತರ ಕನ್ನಡ ಜಿಲ್ಲೆಯ ಹೊನ್ನಾವರ ತಾಲೂಕಿನ ಮುಗ್ವಾ ಗ್ರಾಮದಲ್ಲಿ ನೆಲೆಸಿರುವ ಮುಗ್ವಾ ಶ್ರೀ ಸುಬ್ರಹ್ಮಣ್ಯ ದೇವಸ್ಥಾನವು ಕರಾವಳಿ ಕರ್ನಾಟಕದ ಪ್ರಸಿದ್ಧ ಧಾರ್ಮಿಕ ಕ್ಷೇತ್ರಗಳಲ್ಲಿ ಒಂದಾಗಿದೆ. ಸಾವಿರಕ್ಕೂ ಹೆಚ್ಚು ವರ್ಷಗಳ ಇತಿಹಾಸ ಹೊಂದಿದೆ ಎಂದು ನಂಬಲಾಗುವ ಈ ದೇವಾಲಯವು ಭಕ್ತರ ಭಕ್ತಿ, ಪ್ರಕೃತಿ ಸೌಂದರ್ಯ ಹಾಗೂ ಪೌರಾಣಿಕ ಮಹತ್ವಗಳಿಂದ ವಿಶೇಷ ಸ್ಥಾನ ಪಡೆದಿದೆ.
ಈ ದೇವಾಲಯವು ಭಗವಾನ್ ಸುಬ್ರಹ್ಮಣ್ಯಸ್ವಾಮಿಗೆ ಸಮರ್ಪಿತವಾಗಿದ್ದು, ನಾಗದೇವರ ಆರಾಧನೆಗೆ ಪ್ರಸಿದ್ಧವಾಗಿದೆ. ಕರಾವಳಿ ಭಾಗದ ದೇವಸ್ಥಾನಗಳಿಗೆ ಸಾಮಾನ್ಯವಾಗಿರುವ ಕೇರಳ ಶೈಲಿಯ ವಾಸ್ತುಶಿಲ್ಪ ಇಲ್ಲಿ ಕಾಣಸಿಗುತ್ತದೆ. ಕೆಂಪು ಚಾವಣಿ, ಮರದ ಕೆತ್ತನೆಗಳು ಮತ್ತು ಶಾಂತ ವಾತಾವರಣ ದೇವಾಲಯದ ಆಧ್ಯಾತ್ಮಿಕತೆಯನ್ನು ಮತ್ತಷ್ಟು ಹೆಚ್ಚಿಸುತ್ತವೆ. ದೇವಾಲಯದ ಸುತ್ತಲಿನ ಹಸಿರು ಪರಿಸರ ಭಕ್ತರಿಗೆ ಮನಶಾಂತಿ ನೀಡುತ್ತದೆ.


ಪುರಾಣಗಳ ಪ್ರಕಾರ, ಗರುಡನ ಭೀತಿಯಿಂದ ನಾಗರಾಜ ವಾಸುಕಿ ಮತ್ತು ಇತರ ನಾಗಗಳು ಸುಬ್ರಹ್ಮಣ್ಯನ ಶರಣಾಗಿದ್ದವು. ಆಗ ಭಗವಾನ್ ಸುಬ್ರಹ್ಮಣ್ಯ ಅವರು ನಾಗಗಳನ್ನು ರಕ್ಷಿಸಿ, ಅವರ ದೇವರಾಗಿ ಆರಾಧಿಸಲ್ಪಟ್ಟರು ಎಂಬ ನಂಬಿಕೆ ಇದೆ. ಇದೇ ಕಾರಣದಿಂದ ಈ ಕ್ಷೇತ್ರದಲ್ಲಿ ನಾಗದೋಷ ನಿವಾರಣೆಗೆ ವಿಶೇಷ ಪೂಜೆಗಳು ನಡೆಯುತ್ತವೆ.
ಮತ್ತೊಂದು ಪೌರಾಣಿಕ ಕಥೆಯ ಪ್ರಕಾರ, ಮಹರ್ಷಿ ನಾರದರು ಈ ಪ್ರದೇಶದಲ್ಲಿ ತಪಸ್ಸು ಮಾಡುತ್ತಿದ್ದಾಗ ದಿವ್ಯ ಧ್ವನಿಯೊಂದು ಕೇಳಿಸಿಕೊಂಡಿತಂತೆ. ನಂತರ ಅವರಿಗೆ ಸುಬ್ರಹ್ಮಣ್ಯಸ್ವಾಮಿಯ ದರ್ಶನವಾಗಿ, ಈ ಸ್ಥಳದಲ್ಲಿ ದೇವಾಲಯ ನಿರ್ಮಿಸಬೇಕೆಂದು ಆದೇಶ ದೊರಕಿತೆಂದು ಹೇಳಲಾಗುತ್ತದೆ. ಈ ನಂಬಿಕೆ ದೇವಾಲಯದ ಮಹಿಮೆಯನ್ನು ಮತ್ತಷ್ಟು ಹೆಚ್ಚಿಸಿದೆ.
ದೇವಾಲಯದ ಗರ್ಭಗುಡಿಯಲ್ಲಿ ಬಾಲಸುಬ್ರಹ್ಮಣ್ಯಸ್ವಾಮಿಯ ಮೂರ್ತಿ ಭಕ್ತರಿಗೆ ದರ್ಶನ ನೀಡುತ್ತದೆ. ಬೆಳ್ಳಿಯ ಕವಚದಿಂದ ಅಲಂಕರಿಸಲ್ಪಟ್ಟ ದೇವರ ಮೂರ್ತಿ ಭಕ್ತರ ಮನ ಸೆಳೆಯುತ್ತದೆ. ದೇವಾಲಯದ ಆವರಣದಲ್ಲಿ ನಾಗವನವೂ ಇದ್ದು, ಅಲ್ಲಿ ಅನೇಕ ನಾಗಶಿಲೆಗಳು ಕಾಣಿಸುತ್ತವೆ. ನಾಗಪೂಜೆ ಮತ್ತು ಆಶ್ಲೇಷ ಬಲಿ ಮುಂತಾದ ಪೂಜೆಗಳಿಗೆ ಈ ಕ್ಷೇತ್ರ ಬಹಳ ಪ್ರಸಿದ್ಧವಾಗಿದೆ.
ಪ್ರತಿ ದಿನ ನಿತ್ಯಪೂಜೆಗಳು ನಡೆಯುತ್ತವೆ. ವಿಶೇಷವಾಗಿ ಷಷ್ಠಿ, ನಾಗರ ಪಂಚಮಿ ಹಾಗೂ ಮಂಗಳವಾರಗಳಲ್ಲಿ ಸಾವಿರಾರು ಭಕ್ತರು ದೇವಾಲಯಕ್ಕೆ ಭೇಟಿ ನೀಡುತ್ತಾರೆ. ಭಕ್ತರು ಬಾಳೆಹಣ್ಣು, ಹಾಲು ಹಾಗೂ ನಾಗಪ್ರತಿಮೆಗಳಿಗೆ ಪೂಜೆ ಸಲ್ಲಿಸುವ ಮೂಲಕ ತಮ್ಮ ಸಂಕಷ್ಟ ನಿವಾರಣೆಗೆ ಪ್ರಾರ್ಥಿಸುತ್ತಾರೆ. ಸಂತಾನ ಸಮಸ್ಯೆ, ಚರ್ಮರೋಗ ಹಾಗೂ ಇತರೆ ಕಷ್ಟಗಳಿಂದ ಮುಕ್ತಿ ದೊರೆಯುತ್ತದೆ ಎಂಬ ನಂಬಿಕೆ ಜನರಲ್ಲಿ ಇದೆ.
ಮುಗ್ವಾ ಶ್ರೀ ಸುಬ್ರಹ್ಮಣ್ಯ ದೇವಸ್ಥಾನವು ಕೇವಲ ಧಾರ್ಮಿಕ ಕ್ಷೇತ್ರವಷ್ಟೇ ಅಲ್ಲ, ಪ್ರಕೃತಿ ಮತ್ತು ಸಂಸ್ಕೃತಿಯ ಸಂಗಮವಾಗಿದೆ. ಹೊನ್ನಾವರದ ಸಮೀಪದಲ್ಲಿರುವ ಈ ಕ್ಷೇತ್ರಕ್ಕೆ ಭೇಟಿ ನೀಡುವ ಭಕ್ತರು ಆಧ್ಯಾತ್ಮಿಕ ಅನುಭವದ ಜೊತೆಗೆ ಕರಾವಳಿ ಕರ್ನಾಟಕದ ಸುಂದರ ಪ್ರಕೃತಿಯ ಸೌಂದರ್ಯವನ್ನೂ ಅನುಭವಿಸುತ್ತಾರೆ. ಇಂದಿಗೂ ಅನೇಕ ಭಕ್ತರು ಈ ಕ್ಷೇತ್ರವನ್ನು ನಾಗಕ್ಷೇತ್ರ ಎಂದು ಗೌರವದಿಂದ ಕರೆಯುತ್ತಾರೆ.
ಭಕ್ತಿ, ಪೌರಾಣಿಕತೆ ಮತ್ತು ಪ್ರಕೃತಿಯ ಸೊಬಗನ್ನು ಒಂದೇ ಸ್ಥಳದಲ್ಲಿ ಕಾಣಬೇಕೆಂದರೆ ಮುಗ್ವಾ ಶ್ರೀ ಸುಬ್ರಹ್ಮಣ್ಯ ದೇವಸ್ಥಾನ ನಿಜಕ್ಕೂ ಅಪೂರ್ವ ಕ್ಷೇತ್ರವಾಗಿದೆ.

ಲೇಖನ : ಸನ್ನಿಧಿ ನಿಲೇಕಣಿ


ಹಂಚಿಕೊಳ್ಳಿ ನಾಗದೋಷ ನಿವಾರಣೆಯ ಪ್ರಸಿದ್ಧ ಕ್ಷೇತ್ರ – ಮುಗ್ವಾ ಈ ಮಾಹಿತಿಯನ್ನು ನಿಮ್ಮ ಸ್ನೇಹಿತರು ಮತ್ತು ಕುಟುಂಬದವರೊಂದಿಗೆ ಹಂಚಿಕೊಳ್ಳಿ.
ಸನ್ನಿಧಿ ವಿ.

ನಿಸರ್ಗ ಸನ್ನಿಧಿ ಸಂಪಾದಕೀಯ ತಂಡ

ಪ್ರಕೃತಿ, ಪರಿಸರ, ಸಂಸ್ಕೃತಿ ಮತ್ತು ಪರಂಪರೆಯ ಜ್ಞಾನವನ್ನು ಸರಳ ಮತ್ತು ಜವಾಬ್ದಾರಿಯುತ ಕನ್ನಡದಲ್ಲಿ ಓದುಗರಿಗೆ ತಲುಪಿಸುವ ಪ್ರಯತ್ನ.

ನಿಮ್ಮ ಪ್ರತಿಕ್ರಿಯೆ ಬರೆಯಿರಿ

ನಿಮ್ಮ ಇಮೇಲ್ ವಿಳಾಸವನ್ನು ಪ್ರಕಟಿಸಲಾಗುವುದಿಲ್ಲ.

ಮುಂದೆ ಓದಿ

ಸಂಬಂಧಿತ ಲೇಖನಗಳು

ಧನ್ತೇರಸ್ ಹಬ್ಬ ಅಂದ್ರೆ ಏನಿರಬಹುದು?
ದೇವಸ್ಥಾನಗಳು

ಧನ್ತೇರಸ್ ಹಬ್ಬ ಅಂದ್ರೆ ಏನಿರಬಹುದು?

November 3, 20262 ನಿಮಿಷ ಓದು

ವಿಶೇಷವಾದ ಕೇರಳ  ಧನ್ತೇರಸ್ ಹಬ್ಬ.ಧನ್ವಂತ್ರಿಯ ಬಗ್ಗೆ ಹೆಚ್ಚು ಹೆಚ್ಚು ಓದಿದಾಗ ಧನ್ತೇರಸ್ (ಧನ್ತ್ರಯೋದಶಿ, ದೀಪಾವಳಿಗೆ ಎರಡು ದಿನಗಳ ಮೊದಲು) ಕೂಡ ಧನ್ವಂತ್ರಿ ಜಯಂತಿ ಎಂದು ತಿಳಿದುಬಂದಿತು. ಧನ್ವಂತ್ರಿ ಔಷಧದ ದೇವರು. ಇತರ ಸಂಪತ್ತುಗಳೊಂದಿಗೆ…

ಪೂರ್ಣ ಲೇಖನ →
ದೀಪಾವಳಿಯಂದು ಕತ್ತಲೆಯಲ್ಲಿರುವ ಊರು!
ದೇವಸ್ಥಾನಗಳು

ದೀಪಾವಳಿಯಂದು ಕತ್ತಲೆಯಲ್ಲಿರುವ ಊರು!

November 2, 20264 ನಿಮಿಷ ಓದು

ದೇಶದಾದ್ಯಂತ ದೀಪಾವಳಿಯಂದು ಕೋಟ್ಯಂತರ ದೀಪಗಳು ಬೆಳಗುತ್ತವೆ. ಮನೆಮನೆಗಳಲ್ಲಿ ಹಬ್ಬದ ಸಂಭ್ರಮ ಮನೆಮಾಡುತ್ತದೆ. ಆದರೆ ಕರ್ನಾಟಕದ ಮಂಡ್ಯ ಜಿಲ್ಲೆಯ ಮೇಲುಕೋಟೆಯ ಕೆಲವು ಅಯ್ಯಂಗಾರ್ ಕುಟುಂಬಗಳಲ್ಲಿ ದೀಪಾವಳಿಯು ಸಂತೋಷದ ಹಬ್ಬಕ್ಕಿಂತಲೂ ನೋವಿನ ನೆನಪನ್ನು ಹೊತ್ತು ತರುವ…

ಪೂರ್ಣ ಲೇಖನ →
ಚಾಕೊಲೇಟ್ ಅರ್ಪಿಸುವ ವಿಶಿಷ್ಟ ದೇವಾಲಯ ಕೇರಳದ ಅಲ್ಪುಝಾ
ದೇವಸ್ಥಾನಗಳು

ಚಾಕೊಲೇಟ್ ಅರ್ಪಿಸುವ ವಿಶಿಷ್ಟ ದೇವಾಲಯ ಕೇರಳದ ಅಲ್ಪುಝಾ

September 16, 20264 ನಿಮಿಷ ಓದು

ದೇವಾಲಯ ಎಂದಾಕ್ಷಣ ನಮ್ಮ ಕಣ್ಣ ಮುಂದೆ ಹೂವು, ಹಣ್ಣು, ತೆಂಗಿನಕಾಯಿ, ಪಂಚಾಮೃತ, ಲಡ್ಡು, ಪಾಯಸ ಮುಂತಾದ ಸಾಂಪ್ರದಾಯಿಕ ನೈವೇದ್ಯಗಳು ನೆನಪಾಗುತ್ತವೆ. ಆದರೆ ಕೇರಳದ ಅಲ್ಪುಝಾ ಜಿಯಲ್ಲಿರುವ ಒಂದು ದೇವಾಲಯಕ್ಕೆ ಹೋದರೆ ಭಕ್ತರಿಗೆ ಎದುರಾಗುವ…

ಪೂರ್ಣ ಲೇಖನ →
ವಾಟ್ಸಾಪ್ ಗುಂಪಿಗೆ ಸೇರಿ
Translate »